2008-08-07 / 13:08

Abuztuaren 9an, larunbatean, hasiko da 2008ko Donostiako Aste Nagusia, arratsaldeko 19:00etan Alderdi Ederra dardararaziko duen Kanoi tiroarekin. Aurten Bruesako jokalariek joko dute Artillero pieza. Jarraian, 19:30ean, Los Incansables eta Los Pasai txarangak ibiliko dira Parte Zaharrean eta Erdialdean. Eta, ondoren, Konstituzio plazan, XXXI. Txistulari alardea izango da, Aste Nagusiko ekitaldi maitatuenetako bat donostiarrentzat.