 |
|
|
|
Hirugarren irudia
III
Trinpoila, Andre Mañaxi, Sendagilea eta Mikeletea
|
(Sendagilea Mikeletea ondotik duela sartzen da)
Sendagilea: Hauexek dira.
Mikeletea: Karramarro hauek al dira?
Trinpoila: (Karramarroak deitu digula uste dut! A zer kankarrekoa!)
Sendagilea: Elkarri makilazoka aritu dira.
Mikeletea: Elkarri?
Sendagilea: Eta ez hori bakarrik. Niri ere bai.
Mikeletea: Zuri ere bai?
( Mikeletea senar-emazteen tartean sartzen da)
Mikeletea: Burruun! Egin duzuen txarkeriagatik niri ordaindu beharko didazue. Burruun! Azkar gero.
Trinpoila: Berehala ordainduko dizugu.
Andre Mañaxi: Berehalaxe.
Trinpoila: Hara; to, to, to.
Andre Mañaxi: Kaska, kaska, kaska.
(Mikeletea jotzera egiten dute baina honek burua jaisten du, eta makilazuak senar emaztiak artzen dituzte)
Trinpoila: Ai, au kinkinazua.
Andre Mañaxi: Hau buru kankarrekua.
Mikeletea: Ausartak ez besterenak Burruun!
Mikeletea: Ni zein naizen orain ikusiko duzute Burruun!
Trinpoila: Orain ikusiko diagu bai. To, to, to.
Andre Mañaxi: Kaska, kaska, kaska.
(Len bezala Mikeletea jo nahirik asten dira, baina honek burua makurtzen du eta makilazoak senar-emazteak artzen dituzte)
Trinpoila: Ai! burua ebaki dit.
Andre Mañaxi: Ai! muinak salmueran jarri dizkit.
Mikeletea: Zer uste zenuten ba? Burruun!
Trinpoila: (Mikeleteari) Baina, zaude; zu Zizurkilgo Antton Miel Enplastoren semea zera.
Andre Mañaxi: Eta Mikela Inaxi Titareren suhia.
Sendagilea: Eta Anbroxio zikiratzailearen lehengusua.
Trinpoila: Lehen esan bazenu.
Andre Mañaxi: Non egon gara gu.
Sendagilea: Jakin izan banu.
(Hirurak Mikeletea besarkatzen dute)
Mikeletea: Ni naiz bai hori guztia.
Trinpoila: Orduan ez dago zer esanik. Hemengo zalapartak amaitu dira. Kaskagogorra bukatu da, eta orain guztiak dantza aldi bat egin behar dugu.
Andre Mañaxi: Ederki esana.
Sendagilea: Aufa!
Mikeletea: Iup!
(Laurak abestuaz dantzatzen dira)
Lauak:
Baretzako pikuak
hiru txorten ditu
neska mutilzaleak
makarra ezin kendu |
|
Zapia
AMAIA
|
|
|
|
|
| |
 |
 |
|
|
|
 |
