|
Toribio Alzaga. Andre Joxepa Tronpeta
Bosgarren Laukia
Etumetako Basajauna
Eresia 11
Bitarteko eresia eta dantza
I
Basajauna, Emakume gutzaileak, Laminak
(Estalkiak igotzerakoan Basajauna bere bakaulkian eserita agertuko da. Pello serenoa bera da. Ile luzea burutik zintzilik izango du, eta gorputza ere iletsua. Oinetan abarkak, eta mantarrak izterretaraino igotzen direnak eta lokarriak goraino jiraka jarriak. Gorputzean larruzko jantzia, besoak agerian utzirik, eta besoak berriz ilez josiak ia larrurik ageri ez dela. Gainean kapusai ilun bat, burukoa, buruan atze aldean jarria. Eskuetan makila sendo bat.
Aldamenetan zaintzaile, lau emakume gutzaile astamakilekin.
Gero sartuko dira Laminak, hiru eskuinetik eta hiru ezkerretik, eta dantza egingo dute Basajaunari agurpenak eginaz.
Dantza amaitzean, laminak etorri bezala joango dira.)
|
