Liburu ontan, Alza’ko lengo bertsolari zaarren bizitza ta bertsoak bildu ditugu; guzira, bost bertsolari:
Arrues’ko Joxe Garmendia; Marrus’ko Andres Arrieta; Amoreder edo Amueder’ko Patxiko Arzak; Gazteluene’ko Xaturdino Erauskin; ta Txurdiñene’n bizi izan zan Artzai-Txikiya.
Oietaz gañera, irakurleak dakiana, Alza’ko Gazteluene’n pasa zituan bere azkeneko urteak Txirritak, eta bertso-paper ederrik asko bertatik jarri ta zabaldu zituan Euskalerri guzira.
Alza’ko erria, bere inguruko erriak bezela, bertsolari-lurra izana degu, beraz. Orren probarik ederrena, liburu au degu.
Bañan Alza’k ez dio oraindik lengo jatorriari ukatu, ta gaur egunean ere bada erri onetan bertsolari onik.
Auen bertsoak beste baterako utzirik, irakurleari onako liburu au eskeintzen diogu gaurko ontan.
|
