|
Antonio Arzak
Mendiya
(Gañ-gañeko ipuilari
"Ramon Artola":RamonArtola jaunari)
Mendiyan beiñ billatu
nuen nik kabiya,
ta pozikan ekarri
etxera txoriya;
oraindik etzan lumaz
txit ondo jantziya,
baña laister egin zan
eder ta aundiya.
Orduan erosirik
kaiola berriya,
onetan jarri nuen,
zer txorakeriya!...
Etzegonian mutu,
triste, eroriya,
jira ta bira zeukan
juateko antsiya.
Onela eman ziran
neri errukiya,
t’ikusi zuenian
ate idikiya,
an zan txiru-liruka
mendira abiya.
¡Mendiko umientzat
utzi, bai, mendiya!
|
Euskal-Erria. 1892.
|
