|
Pepe Artola. Ustez Laguna Detan
1
Errege bespera da
guztizko gau ona
etxietan biltzeko
guk falta deguna,
zerbaiten esperuan
gatoz beongana,
emango al digute
denok txanpon bana.
|
2
Errege besperatik
gatoz gu onera,
urtero bezela gaur
zelebratutzera,
sei lagunak batian
guaz kantatzera,
propinarekin gero
konponduko gera.
|
3
Onera etorri gera
sei lagun dezente,
bertsuak kantatzera
oso baliente,
kantuz asiko gera
izugarri fuerte,
agirandotxo zerbait
guri eman arte.
|
4
A zer kuadrilla emen
ongi kantatzeko,
triste dagona berriz
konsolatutzeko,
bañan obiagua
dirua artzeko,
baldin badute asko
guri emateko.
|
5
Diruak istilluak
ematen dizkigu,
ori dala meriyo
orla gabiltza gu,
boltsan moneda askorik
ageri etzaigu,
apariyentzat diña
bilduko ez degu.
|
6
Despedida emateko
ona seigarrena,
bukatu (1) zagun bada,
al dan laisterrena;
etorriko gerade
gu seyak urrena,
baldin uzten ba’igute
sartutzen barrena.
|
Estribilloa
Agirandubaengatik
sei lagun nekian,
jira ta bira emen
gabiltza eskian,
arkitzen gera beon
etxeko atian,
propina ona guri
gaur eman artian.
|
7 Enero 1883
|
