|
Pepe Artola. Ustez Laguna Detan
1
Bertso berri batzuek
Tomas ........
egi asko esanaz
nai nituzke jarri,
lanerako gogorik
eztuben jaun orri,
ikusten degulako
oso parragarri.
|
2
Donostiyan alproja
esaten dutena,
Tomas zapatariya
deitzen diyotena;
aste guztiya ustez
du ark astelena,
lanikan egin gabe
joaten zayo dena.
|
3
Ofiziyorik ondo
oraindik ez daki,
bañon jai egiteko
moldatzen badaki,
gabero zurrutian
ibiltzen da ederki,
orrela badarabill
galduko da aurki.
|
4
Tomas ........ du
andregai maitea,
Terexa kayekua
neskatxa gaztea,
bañon mutill ori da
entero trastea,
¿posible al da ori
ondo izatea?
|
5
Bere ditxa guztiya
da aste-egunian
neskakin ibiltzia
al duben denian,
Teresa izaten du
ark aldamenian,
(beste aiskiriakin
ezin dubenian).
|
6
Teresak obego du
ori despeditu,
bestela tratu txarrak
eramango ditu,
mutill orrekin gauzak
ikusiko ditu;
zergatikan aurreraz
beste bi baditu.
|
7
Errukigarriya da
neskatxa gajua,
eztu ezagutzen ondo
mutill marrajua,
badirudi Tomas’ek
eguzkiyak jua,
dontzelletako ori...
¡zer aparejua!
|
8
Lenguan Tomas jauna
neskatxa batekin
zirrika ibilli ziran
sasoi onarekin,
orrela ibiltzen bada
bere nobiyakin,
asarretze ote diran
nai nuke nik jakin.
|
27 Febrero 1883
(1) Emen, eta besteetan ere, apellidua edo abizena kendu egin degu, Tomas ori nor izan zan iñork somatu ez dezan.
|
