|
Pepe Artola. Ustez Laguna Detan
1
Dama gazte bat det biotzetik
maite juan dan aspaldiyan,
zeñaz lenengo ikusi nuben
Loyolan erromeriyan,
aingeru baten antza ematen
niyon plazaren erdiyan,
politagorik ez dala nago
Donostiyako erriyan.
|
2
Bazenekike ni zer trantzetan
arkitzen naizen oraintxen,
ikusi zaitutelako bada
nere ondotik pasatzen,
txori polliten bat ote ziñan
jarriya nitzan pentsatzen,
zu orrelaxen ikusitzean
izugarri naiz poztutzen.
|
3
Zuri askotxo nai dizutanik
ez al zaizu iruditzen?
amoriyuak zureganuntza
nauka ni beti pentsatzen,
zu gabetanik mundu onetan
ezta txit errez bizitzen,
maita nazazu biotzetikan,
erreguz dizut eskatzen.
|
4
Nere aingeru paregabia,
maita nazazu meserez,
kupi zaitea ni ikusita
zure oñetan negarrez,
mundu guztiyan zu añako bat
arkitzen ez da txit errez,
zure onduan konparatuta
¿ni zer naiz bada? ezer ez.
|
5
Neskatxa gazte obeagorik
ez det sekulan ikusi,
nere biotzak zureganuntza
juan nai du beti igasi,
zu gabetanik mundu onetan
ezin ninteke ni bizi,
ez nazazula penak sufritzen
luzaro eruki-azi.
|
6
Zenbait pena ditut nik pasatzen
aspaldiyan zuregatik,
amaika bider malko tantuak
ixuri zaizkit begitik,
maitatutzia erreguz orain
eskatzen dizut bertatik,
elkarren jabe gu egitia
desio det biotzetik.
|
7
Gorputz egoki torniatua,
arpegi eder leguna,
zedorri zera aspaldi (y) ontan
komeni zaitan laguna,
baldin logratzen badet
nere pentsamentu ona,
denbora gutxi barru zugatik
galduko det osasuna.
|
8
Miñ txar bat daukat aspaldi ontan
meriyo zeralako zu,
eta erremeyorik onena
zedorrek emango nazu;
elkarren jabe egin gaitian
biyok, nai baldin badezu,
gaitz barrengoa luzarokoa
laister sendatuko nazu.
|
9
Zu zerade zeruko izarra,
biotz nereko maitia,
eta gu biyok elkarren jabe
nai nuke nik izatia,
ezpadezu nai zuregatikan
bertan ilta ikustia,
esan nazazu nai dezula zuk
izan nere emaztia.
|
27 Marzo 1883
Publicado
|
