|
Pepe Artola. Ustez Laguna Detan
Ipuia
Axeri batek egin
zuben apustua
korrika pasa bayetz
orduko sei legua;
nola zuten bestiak
begitan artua,
nai izan zuten egin
orlako tratua;
axeri onek zuben
jeniyo estua,
pazientzi gutxi ta
gañera gaiztua;
ala abiyaturik
bere apustua,
gelditu zan birian
oso nekatua;
ezin zabaldurikan
nai aña abua,
bero geyegirekin
oso legortua;
arki zitzayon bertan
erreka zulua,
eta asi zan gogoz
egiten tragua;
baño erreka artan
ur zikiña zeguen,
eta este guztiyak
zikindu zituben;
sosegatu nayian
lurrera zan etzin,
baño esteko (2)miñak
alde egin ezin;
ala luzaro xamar
egon zan etzinta,
bere buruaz oso
batetan etsita;
baño noizbait zitzayon
piska bat paketu (3)
eta bere lekura
zan azkar bueltatu;
kontrariyo guziyak
ziyoten burlatu,
apustura galduta
zalako geratu;
lotsagarritzat danak
erabilli zuten
fanfarroikeri denak
atera zizkaten.
|
Onek erakusten du
fanfarroi danari
eta arrunkaz beti
dabillen denari,
kastigua zayola
etortzen berari,
eta geratzen dala
denen parragarri. (4)
|
Setiembre 8, 1885
Premiada en 1887
y publicada el día 30 Mayo 1888 en la Euskal-Erria.
Vasconia, 10 Enero 1896.
(2) tripako
(3) kalmatu
(4) oso lotsagarri.
|
