Seta txar bat jabeak
zutelako artu,
ollar biyak borroka
zituzten paratu;
eta gorroto gabe
ziralarik jarri,
oso gogor zioten
eraso alkarri;
bada lan artan ari
zirarela biyak,
kolpeka kendu naian
alkarri begiyak,
bata bestea baņan
lenago aulduta,
eroririk lurrera
indarrak galduta,
onek azpitik esan
zion besteari:
Ai, lagun, lagun! Gaizki
gaituk ontan ari;
iņoiz guk alkarrekin
ezer izan ez ta
bestegatik egiten
odolezko pesta.
|
Ala dek -esan zion
besteak orduban-;
zenbait buru gaiztoko
bagaituk munduban;
baņan alaz ta ere,
ontara ezkero,
ez diat barkatuko
naiz damutu gero.
Eta au esateaz
erasorik berriz,
alkar biyak berriro
bete zuten zauriz;
eta bat azpiyan ta
bestea g a ņ e a n
illak biyak gertatu
ziran azkenean.
Onek erakusten du
kulparen jabeak
gatik iltzen dirala
kulparik gabeak;
eta ala, jasoko
balitz au buruban,
elukela gutik on
izango munduban.
|
