Ramon Artola. Sagardoaren grazia eta beste bertso asko

Donostiya zarreko plaza berriyan
salduniote eta astelen iñaute 1870’garren urtian.

1 Igande astelen artsalde bietan, plazan arkitu gera festa aundietan, obiagorik asko gure begietan, eztala jarri nago iñauterietan.

2 Aukeran ekarriyak zituzten zezenak, Nafarruatik, biña urte zituztenak, len plazarik ikusi izan etzutenak, txarrik bat etzan irten, fiñak ziran denak.

3 Lanzaz zulatu arren izutzen etziran, aberien triparen azpiyan maiz ziran, adarretan bolakin izan ez paziran, plazan sardiyak illtzen ikusiko ziran.

4 Zinta zabal kolore guztiyetakoak, biatz delikadubak apaindutakoak, zezenen lepoetan denak alakoak, ziran erregaliyak Donostiyakoak.

5 Nola toliatzalle ala lantzadunak, juan ziran plazara prestatuak danak, festagille egoki alkarren lagunak, guziyak errikoak gure ezagunak.

6 Muestrak eman zituzten zirala abillak, nola lantzakin ala sartzen banderillak, golpian zezen asko izan ziran illak, ezeren aitzakirik etzuten kuadrillak.

7 Oyez gañera ziran zaldunen konpartsak, iri jokari eder, subak eta dantzak, musikak danboliñak, gaztien jolasak, zeru berri bat zala zirudiyen plazak.

8 Azken iñote gabaz entierro bat zan, sardin zarrari egin ziyotena plazan, bazan zenbait diabru kantatzen da dantzan, festaren bukaera arrekin eman zan.