|
Ramon Artola. Sagardoaren grazia eta beste bertso asko
Donostiako muralla kontra luzean jokatutako partiduba.
|
1
Partidu bat pillotan
geren kaltian
jokatu degu aurten
jai goiz batian;
lau lautara giñan asi,
maisubenak irabazi,
galtzalleak obe degu
geiago ikasi.
|
|
|
2
Ai zer pillotariyak
nere lagunak,
gu gera partiduba
galdu degunak;
batek jotzen ezpazuben,
besteak ikutzen etzuben,
aisa pillotak gugandik
eskapatzen zuben.
|
|
|
3
Gure kontrariyua
sakalariya,
askok beldurra diyon
jokalariya;
ez gera gauza arentzat,
bera sobra da denentzat,
ezagutuba daukagu
pillotari ontzat.
|
|
|
4
Bederatzi jokura
iru ta"treinta”,
ginduzen guk atera
oso ler-einta;
lau falta ta sei utsegin,
ondo jota ezin kintzegin,
tranpiyan ari al giñan
ziguten otsegin.
|
|
|
5
Esanak gatik alkarri:
or bertan eon ai,
pillota ikusi orduko
guziok jo nai;
utzi, utzi au neretzat,
al zubenak nor beretzat,
gutxi jotako penarik
oraindik joan etzat.
|
Ikusi:"Euskal-Erria”, XIX, 1888.
|
