 |
|
|
|
|
Joxe Ayerbe
Zein, etxetan ez da sortzen eztabaidarik, adibidez, telebista dala-ta?
Zenbat aldiz: onek au ikusi nai, orrek ura, eta arek, ez dakit zer?
Gaur, bakoitzak bat ez dakit, baiña bi edo
|
iru telebista diran etxeetan ez, noski, baiña bakarra dan tokian ez da faltako eztabaidarik.
Nerean, ori, sarritan gertatzen zan: nik Pelota edo Futbola ikusi nai, eta gañontzekoek beste zerbait, eta...
|
1
Futbola alde batetik
eta Pelota bestetik,
bi kirol oiek gogozko ditut
txiki-txikitatik.
Baiña nik telebistatik,
ezin ikusi ortatik,
eta oraintxe atera naute
nere onetatik!
|
2
Futbola edo Pelota
danean beti zarata:
“Gaur utzi guri, pelikula bat
polita dago-ta”.
Esanagatik “puñeta”
eta illundu kopeta,
nik arrazoirik ez det iñondik
bakarrik naiz-eta.
|
3
Futbol garaia astean,
iru partidu astean,
ikusiz gero konten nintzake
ni orrenbestean.
Baiña, tarteka, uztean:
“Derby”a afal ostean;
au konponduko det Telebista
txikia erostean!
|
4
“Derby”ko Josu Loroño:
anaiak gaituk gu, baiño,
aspertuxea naukak oraintxe,
etzekit noraiño!
Atletik jaso goraiño,
Reala, berriz, ain ñaño,
ezagun dik, bai, i bizkaitarra
aizela, “Moñoño”.
|
5
Nola nagoen mindua,
orain joko det “bandua”:
Kendu didate telebista ta
gaiñera “mandua”.
Jetxi da nere gradua,
badet zeiñek agindua,
leen nagusia nintzan da orain
etxeko mandua!
|
6
Egundoko amorruan,
au egiten det orduan:
irratitxoa artu ta jarri
belarri onduan.
Ala, pare bat orduan,
Reala’k zer egin duan...?
“Santa la Virgen”, galdu egin du
azken segunduan!
|
7
Telebista orri esker
Retegi’n eskubi-ezker,
edo Ronaldo’n golak ikusi,
gauza oberik zer?
Etxean, ordea, oker,
etzaie gustatzen ezer,
eta nik entzun bear “La Cope”
edo “Cadena Ser”.
|
8
Nola nabillen jakiñik,
errukituko ez danik,
liteke baiña, ez det uste nik
aurki daitekenik.
Ez det izango aalmenik.
kentzeko barruko penik,
era onetan kastigatzeko
zer delito det nik?
|
9
Ez diot antzik ematen
nere aurka zer daukaten;
danok ikasi bearko degu
amore ematen.
Naiz leen aritu esaten,
ez dakit egingo deten,
bi telebista asko bait dira
familia baten.
|
10
Egin nai bada onera,
bete nere eskaera:
eman Pelota eta Futbola
ikusteko aukera.
Ala, konponduko gera,
bestela, banoa beera,
neretzat beste telebisio
berria erostera!
|
|
| |
 |
 |
|
|
|
 |
