 |
|
|
|
|
Bilintx
¡MAITA NAZAZU ARREN!
1
Biyotzaren erditik
zeruko dama bat, (1)
amoriyoz maite det
ezin esan ainbat;
sufri-arazitzen dit
erotzeko din bat,
artara ekarriko nau
oraindikan anbat.
|
2
Nere maitasun onek
falta du ordaña,
etzait ongi portatzen
aingeru liraña; (2)
itxumen guztiyakin (3)
maitatzen det baña...
berak ez nau ordia
nik merezi aña.
|
3
Zoraturikan beti
aren billa nabil,
ura berriz nigandik (4)
igesika dabil;
laister logratuko du
onla banarabil,
biyotzikan gabiak
penaz nai banau il.
|
4
Iñon ikusi gabe
sei aste luziak, (5)
beti artaz pentsatzen
negarrez pasiak;
begi biyak dakazkit
malkotan asiak,
ez du asko kupitzen
nere oiñaziak.
|
5
Aren krueltasuna
izanik ainbeste, (6)
penaz betia nago
miñez eta triste;
izar dizdizariya,
nitzaz kupi zaite,
zuregatik ilko naiz
ez banazu maite.
|
6
Baldin gertatzen bada
orrelakoren bat,
zedorri’re damuak (7)
ilko zaitu anbat;
maita nazazu bada
nik zaitutan ainbat;
elizan egiteko
biyotz birekin bat.
|
Ikusi:
Bilintxen eskuz idatziak..
“Bibliothéque Nationale, Paris”, Baroja-ren molditegian. – 1862’garren urtean”..
“Colección de J. Manterola”, eskuz idatzitako orria. (Onek Parisko bertso-paperari itzez itz kolpiatzen dio, bañan, bide batez, or aurrean jarri ditugun oarrak dakarzki eskuz idatzietatik artuta. Beraz biak izan zitun begien aurrean; gerok ere bai, eta Manterola’k bezelaxe jarri ditugu).
Oharrak:
(1) En el original de puño y letra de Vilinch dice: “Zerutar dama bat”. Au eta beste guziak ere Manterola’ren oarrak dira.)
(2) Dice en el original:
“Diyotalarik ere - naitasun bikaña,
nere amoriyuak - falta du ordaña;”
(3) “Itxumen aundiyakin”
(4) “Bera berriz nigandik”
(5) “Bi aste luziak”
(6) “Dalako ainbeste”
(7) “zu ere gero damuak” Verso mucho más armonioso que indica bien claro que la composición original de Vilinch que cito, fue corregida por éste antes de su publicación.
|
| |
 |
 |
|
|
|
 |
