Donostiako Euskal Izkera ta Iztunde Ikastola erakundea, Donostiako Udalak euskal antzerkia bultzatzeko sortu zuen 1915ean, Toribio Altzagaren zuzendaritzapean. Nahiz eta taldea Donostian kokatua egon, Gipuzkoa osoan zehar ere ibili ziren errepertorioa antzezten, arrakasta handia lortuz.
1936ko gerrateak etenaldi bat ekarri zuen eta horretaz gain, 1941ean Altzaga Toribio bera hil zen. Hutsune hori Maria Dolores Agirrek bete zuen, Euskal Iztundearen bigarren aroko zuzendari bezala (1953-1981). 1949. urtean Azpeitian antolatu zen antzerki txapelketaren irabazlea izan zen "Aukeraren maukera, azkenian... okerra" izeneko bakarrizketarekin. Euskal Iztundearen bigarren aro honetan Maria Dolores Agirre gertatu zen antzerki sustatzaile nagusia, gerra aurreko urteetako dinamika berreskuratzea lortu zuelarik.
Jarraian Euskal Izkera ta Iztundeak antzeztu zituen antzerti-lanak agertzen dira eta parentesi artean zein urtetan antzeztu ziren adierazten da. Ondoren argitalpenak zehazten dira.
|
