|
Segundo Kalonje
Baserriko auldadea
1
Ogeigarren eunki au degu nabarmena,
aurten irurogei ta amalaugarrena.
Zenbat poz eder eta beste zenbat pena!
Emen artu bearra dago datorrena.
|
2
Izkutatzen ari da baserriko martxa,
gazteak aldegin da zarrak nola altxa?
Kaletar biurturik ainbeste neskatxa,
uste det sortu dala sekulako mantxa.
|
3
Lege zarrak utzirik berezita mugaz,
oraingo gazte asko kalera dijuaz.
Deika ari dalako antzokitik Judas,
or engaņatzen ditu biboliņa juaz.
|
4
Oso urte gutxian au da gorabera!
Polita ikusita il bearrak gera.
Baserria utzita dijoaz kalera,
zeiņen penagarri dan datorren galera!
|
5
Kalea gustatu ta baserria utzi,
bururatu zaiena millaka neskatxi.
Sortu ziran lekura txit maitasun gutxi,
zeruaren ondotik linboraiņo jetxi.
|
6
Gaur-gaur bezela zenbat baserriko dama,
askoz naiago dute alperraren pama.
Etziran olakoak aita eta ama,
baserriko bizitza sorgiņak darama.
|
7
Mesede aiņa noski izango da kalte,
goibeltasun galanta utzi bear dute.
Garbi ikusten dana ziur esan leike:
jaiotako kabirik eztutela maite.
|
8
Aurreratuak daude gaurko zenbait gazte,
munduko teknikorik onenak ainbeste.
Orrengatik kalera txulo dijoazte,
an ere naiko lanak izango dituzte.
|
9
Erantzungo duela kaleak bakarrik
esango dute, baiņa neretzat alperrik.
Nik eztet sinistuko olako gezurrik,
dantzatutzen ezpada aruntz-onuntz lurrik.
|
10
Lenago ederrenak baserrira pozik,
orain gertatzen dana degu beste gauzik.
Beirik eta ardirik ikusi nai ezik,
bizileku politak uzten dira utsik.
|
11
Atsekabe gogorra dator guregana,
sendo salatuko det nabaitzen dedana.
Len goieneko maillan aipatutzen zana,
baserriak badauka galtzak bete lana.
|
12
Baserri gaixoari joan zaio kordea,
xuxpertu lezakena kalera gordea.
Lanerako gogoa bear da ordea,
maiorazkoentzako maitasun berdea.
|
13
Segika dabillen bat emaztegaiari,
zenbait panpoxarekin nolanai piari!
Eskarrnentu dutenak esana da neri:
askok eztutela nai baserrian ari.
|
14
Orra beste gauza bat txit ziur jakiņa:
mutillarentzat neska baldin bada piņa,
eraman bear luke baserriko miņa,
edo bestela dauka maitasun sorgiņa.
|
15
Mutillak ezpadu nai lurrik gabe bizi,
beste opiziorik ezpaitu ikasi,
neska berri batekin kalera igesi,
olakoak ez luke batere merezi.
|
16
Maiorazko jator bat maitasun onean,
lagun bat artu nairik prestutasunean.
Zuk jarraitu nai arren bide zuzenean,
zenbaitek uzten gaitu utsik azkenean.
|
17
Zoritxarreko gaitza etxean sartuta,
palta duena dago oso beartuta.
Naigabe izugarriz biotza lertuta,
maite paltsoagandik propiņa artuta.
|
18
Maiorazko askotxok gaur daukaten penik,
neronen biotzean ez nuke naiko nik.
Ezin bada billatu iņun euskaldunik,
andaluzak ekarri neskame bedenik.
|
19
Baserria dago gaur aul eta serio,
zuri galdezka nator ni, San Antonio.
Jainkoaren indarrak ezpadu balio,
gaiņerakoan zeiņek lagunduko dio?
|
20
Baserrian arnasa ikusten det doi-doi,
ta bota nai diote itotzeko lain loi.
Aize biurria ta laiņojea marroi,
berriz ere euskerak bearko du morroi.
|
La Voz de Espaņa, 1974-I-7
Goiz-Argi, 1974-IV-18
|
