|
Segundo Kalonje
Nere lagun bati aipamenak
1
Bertsoak ipintzea pentsatu det aurten,
urte au joan baiño len autsi edo eten,
Bergarako Iza-ri zaizkanak esaten,
lendik ez dakitenak ikasi dezaten.
|
2
Bergaratar bat badet lagun Donostian,
txintxoa izan dana bizitza guztian.
Gudari ibilia itxaso bustian,
bera ontzian eta putzua azpian.
|
3
Bere izen-deiturak Tiburtzio Iza,
askok ezagutzen du Donostian aixa.
Ibiltzen da gizon on prestu baten gisa,
aspalditxo onetan txit lagun gabiltza.
|
4
Baditu irurogei eta zazpi urte,
ez dauka kupirarik beste ogei arte.
Bakarren baten paltik izaten badute,
ni noski lenagotik eramango naute.
|
5
Aundia ez da baiña beti gizon-puska,
maitatuz egin nai det marruska-marruska.
Urean igaroa bere soldaduzka,
ondra ta Osasuna goiko maillan dauzka.
|
6
Argitaratu nai det nik gogoratua,
al dedan txukunena bertsoz moldatua.
Gazte-gaztea zala itxasoratua,
ontzian ibiltzeko zegon zoratua.
|
7
Emeretzi urtetan ziñan mutikua,
baiña gaztetasuna ez da betikua.
Habanako neskekin itzegindakua,
orain aiton polita, orduan guapua.
|
8
Ni ez naiz Amerikan izan egundaiño,
beste paraje asko ere dauzkat laiño.
Zu pozik joango ziñan noski Kuba-raiño,
onuntzean zarrago aruntzean baiño.
|
9
Milla bederatzireun ta ogeitazortzi,
itxasoko gudari orduantxe jantzi.
Ia iru urtean etziñan erantzi,
ogeitamarrean zuk amaituta utzi.
|
10
Gaztea geienean odoletan bero,
zoro baten modura jarraituaz ero.
Bizi bearko dala oroitzen da gero
lurrarekin borrokan edo pelukero.
|
11
Neretzat ez da lanik beiñere errezten,
onenak asiko naiz ni adierazten.
Neskatx politenari noiznai ille mozten,
edo bestela andre ederrak orrazten.
|
12
Au esan dedala ta ez iñor txunditu,
len daukan izen ona nai diot aunditu.
Gajuak ere iñoiz apaindutzen ditu,
al badet ez det ori nai nik ofenditu.
|
13
Ugarte txikitxo bat Donostian bada,
oso izen polita dauka Santa Klara.
Udako egunetan joera du ara,
une bat igaroaz lagun zarretara.
|
La Voz de España, 1975-XI-6 eta 7
|
