|
Segundo Kalonje
Bilintxen arrazoiak
1
Aurten eun urte il zan gizon baten jabe
norbaitzuk egin dira; zeiñentzat ez obe?
Bilintx igaroa zan ainbat atsekabe,
ezkondu zan artean emazterik gabe.
|
2
Bilintxen zenbait bertso gazte-gaztetandik,
bein buruan sartuta or dauzkat oraindik.
Berriak ipintzea gogoak eman dit,
laguntzen badit beintzat, nun dabillen, andik.
|
3
Bilintxen irudi bat balego urretan,
komeniko litzake donostiarretan.
Noski bearko degu geienok zorretan,
sartzen geranok aren bidetxigorretan.
|
4
Bilintx gelditu zala Donostian ixill,
eun urte bete dira sendo ta biribill.
Aren aurka egin baiño naiago nuke ill,
praille-morroi bezela jarraitzaille nabill.
|
5
Belauniko jarrita goizean goizena,
erregututzen diot al dedan maizena.
Segundo Moises daukat nik nere izena,
Bilintx maita nai ezik ilko ez naizena.
|
6
Bilintx zan bertsolari buru argikoa,
biotzaren zain sakon, erdi-erdikoa;
ta kontzientzi jator, txukun, garbikoa,
Donosti maite ontan Euskalerrikoa.
|
7
Geienok badaukagu lendik aditzera,
barrengo maite-miña goaz eskeintzera,
zor daukagun gai ori zerbait ordaintzera;
merezia daukazun Bilintx, zu ain zera.
|
8
Nik zuri bakar batzuk ikasi nizkizun,
ia nereak aintzat artzen dizkidazun.
Idatzirik daukazu ainbat eginkizun,
zu etziñan ibiltzen amodioz lizun.
|
9
Bilintx, apaiña zala zure nortasuna,
sinistu inbidia ematen nazuna.
Geldi baiño lenago txit soil Osasuna,
ni ere azaltzera nua maitasuna.
|
10
Askok badakizute ez nagola gazte,
lan danak ondo egin ezin bainezazke.
Alare ederrenak mintza nai nituzke,
Bilintxi asiko naiz doai orren eske.
|
11
Batengana ez nago gustatuta gutxi:
neskatx muxu-gorri bat, izena du Lutxi.
Asmoa nai nioke bertsoz erakutsi,
kokotzaren azpian nai nuke igurtzi.
|
12
Ezin aserik nabil barrengo gosia,
nik nai nuken ori da izenez Luzia.
Gauza bat badaukat nik buruan pasia:
erregali egingo diot orrazia.
|
13
Aurrez aurre beiñere etzait egokitu,
begiratzeko ditut milla zirrikitu;
maitasun-sortzailleak doai asko ditu,
nere atsegingarri ojala balitu!
|
14
Idatzita zaiñetan ipintzen dedanez,
errukituko al da nere oroimenez;
borroka nabillela amodio-lanez,
gogoa galanta ta iñoiz ausartzen ez.
|
15
Elduko balitzaiket Jaunaren laguntzik,
salto egingo nuke teillatutik pozik.
Munduan ez nuke nik obe nuken gauzik,
zortzi egun baiño len ezkontzea baizik.
|
16
Lutxirekin banego obe ezkonduta,
barrengo maitasuna ondo apainduta;
zalantzak eta dudak erabat kenduta,
neretzako lirake poza ta konduta.
|
La Voz de España, 1976-X-16 eta 17
|
