|
Segundo Kalonje
Mauel Lasarteri
1
Zutaz mintzatuko naiz, Lasartetar Manu,
ez gaiztoa zerala entzun izan banu.
Ez det penik izango, ta ain gutxi damu,
gaur, biar eta etzi, berdin etzidamu.
|
2
Lasarte, zuk dezuna apaltasun piņa,
asko arrotu gabe, gizon baten diņa:
bertso-saio ederrik badezu egiņa,
ta lautatik irutan danen eragiņa.
|
3
Aotikan aora berdiņik gabeak,
ta ipiņitakoak oraindik obeak;
zu ontzen ari zera bertsoen legeak,
mereziak zenitun San Jose loreak.
|
4
Naparroan jaio ta Gipuzkoan bizi,
ezagun da nolanai etziņala ezi;
bakardade bizian pamilia azi,
zeruan goiko mailla zuk dezu merezi.
|
5
Ezbearrak albotik ematen du izu,
gaitz ori zuri ere peliatu zaizu;
Jesus ona nola dan gu guztion maisu,
ark sari berezi bat ordainduko dizu.
|
6
Atsekabe ta penak askotan jasoa,
ederki badakizu zer dan erasoa;
baiņa Jaunarengana sinismen osoa,
ori da izatea ziņez gurasoa.
|
7
Nork artu lezakean zure nortasuna,
urrezko bertso oien aberastasuna.
Doi-doi ibili arren iņoiz Osasuna,
Espiritu Santuak dizu maitasuna.
|
8
Gizon apalarentzat Jaunak badu begi,
ez du nai arrotzerik munduan geiegi;
al bada zabarkeriz ez biurtu nagi,
Lasarteren moduan obe degu segi.
|
9
Bertsolari ederra, ain zera bikaiņa,
eskola aundi gabe ikastun apaiņa;
zu goraltzen al dana saiatzen naiz, baiņa
ni ez naiz iritxiko zuk merezi aiņa.
|
10
Euskaldunen artean jarri dezun poza,
zerutarra zerala zabaldu da boza.
Gaur Euskadik badauka lore aproposa,
ia danen gaiņera irten dan arrosa.
|
11
Kondaira bat ez al da zure meritua?
Zuzentasunarekin nago arritua.
Etzaizu damutuko Jauna serbitua,
gero izango zera berak saritua.
|
12
Openditu bazaitut edo egin, kalte,
iņola al badezu barkatu, Lasarte.
Zuk igaro dituzu amaika gizarte,
Jaunak lagun deizula geiago pasa arte.
|
El Diario Vasco, 1979-IV-11 eta 12
Goiz-Argi, 1979-III-31
|
