|
Segundo Kalonje
Bertso-txapelketari
1
Txapelketa bat asi bear dala aurten,
ez da au berri txarra danentzako irten;
entzun det ainbat diru nola jarri duten,
tongorik ez da naiko, saia eramaten.
|
2
Urte ontan asita urrengoan buka,
amabost eguneko iraupena dauka.
Egin bearko dana saiatu ta zaunka,
ain lan astuna dala iñork ezin uka.
|
3
“Danak aituak dituk” ni nengon pentsatzen,
oparo ekin die dirua dantzatzen;
irabazia jarri bertsoa kantatzen,
neroni ere gutxi ez naute tentatzen.
|
4
Ez dezute moldatu dirutza motela,
ezagun da bertsoa maite dezutela;
ezin diteken gauza iñolaz bestela,
noren burura joango ote da txapela?
|
5
Bi sari zoragarri, nabarmenak oso,
lenengoa da eper, bigarrena uso;
oiek merezi dute egitea kaso,
bertso onak bota ta ezaugarri jaso.
|
6
Bertsolari artean jarri duten pesta,
auntzaren gaberdiko eztul-otsa ezta;
txapela zabala ta berreun milla pezta
norbaitentzat badaude, onenek nai ezta.
|
El Diario Vasco, 1979-I-11
|
