|
Segundo Kalonje
Barkatu, jauna!
1
Milla bederatzireun larogei ta bata,
ilbeltzaren iruan gaur da larunbata;
gizon on alai bati nai nioke kanta,
ez du orrek ipuirik iņoiz ere palta.
|
2
Errezilko semea Inazio Mari,
Zegaman bizi dala jakindu det ori;
olakoak gustatzen zaizkit erruz neri,
dotore badakizki ipuiak ugari.
|
3
Errezilko seme da beraz Atxukarro,
baditu iru gurdi ta beste bi karro;
ipuiak ibiltzeko lumaz arro-arro
txantxangorri ta txepetx, xoxo, birigarro.
|
4
Lagunartekoa da, gizon atsegiņa,
Santo Tomas egunez nago itzegiņa;
gure jakinduria ain da ezberdiņa:
nerea beltx-beltxa da, orrena urdiņa.
|
5
Apal da gizalegez nai du errespeta,
antziņako asaben euskaldun izketa;
txit komeni dan gauza derizkiot eta,
ez dakianarentzat zer erakusketa!
|
6
Berriro ere ori bearko det zaitu,
oraindik ipui danak etzaizkio aitu.
Aitona zarrak iņoiz aitatutzen ditu,
malkarrik txarrenetan ikusi nai gaitu.
|
7
Aitona zarrak anka trabatu lepotik,
beeko txillardegira amildu da goitik;
erbia or irten da laisterka kabitik
txinparta dariola belarrietatik.
|
El Diario Vasco, 1981-I-11
* * *
Kalonjeren esku-idazkietan Atxukarrori eskeiņitako beste sei bertso auek arkitu ditugu:
8
Donostitik begira nago Zegamara;
Atxukarroren ipui polit oietara.
Aztu gabe larunbat illunabar gaba,
zu bai iztun apaiņa, iņor baldin bada.
|
9
Euskaldun zarren antzera gurdi eta karro,
parra egiņerazten ipui edo lerro.
Etzera nabarmentzen aizetsu ta arro,
len bezelaxe apal jarrai, Atxukarro.
|
10
Mereziak dituzu askotan txaluak,
eskeintzen dizkiguzu kontu potxoluak.
Nik eme jartzen ditut belarri zuluak,
gau erdirarte ez nau errenditzen luak.
|
11
Zer esan nezake nik orain Atxukarroz?
Ardo onak eskeintzen asiko naiz txarroz,
etxera ekarriak gurdiz eta karroz;
ordainduko al dizkit ipuiz edo lerroz.
|
12
Kanta nai badituzu bertso auek ortik,
askatasun osoan jartzen zaitut gaurtik.
Ez baldin badezu nai deus ez dit inportik,
ez nezake biali beste ipui sortik.
|
13
Orra bost bertso kaskar Kalonjerengandik,
apur bat tentatzea gogoak eman dit.
Euskaldunak gera gu orain baiņo lendik,
naiz alkar ez ikusi sekula oraindik.
|
|
