|
Segundo Kalonje
Aita Agirretxeri jarraituz
1
Agirretxeren zenbait itzaldi
Kristo-maitale antzera,
degun leiorik zabalenetik
sartutzen zaizkit etxera;
berak esaten duan bezela
“biotzetik biotzera”,
ta salbagarri txarrena ez du
nere animak zartzera.
|
2
Agirretxeren itzaldi oiek
neri datozkit gogozko,
iruditurik ote diraden
sinismentsu ta Jainkozko.
Garai batean ibiltzen nintzan
une batzutan arroxko,
Jesus munduan zergatik il zan a
usnartzen etzala asko.
|
3
Aolku goxo mardul oriek
neri gogozko datozkit,
len ere zerbait badakit baiña
kalterik egiten ez dit;
maixu oberik ezin mintzatu
Jerusalen da Londrestik,
Jesus da bere apostoluak
il zituzten ezkeroztik.
|
4
Jaungoikoaren aginduetan
gabiltza larrugorrian,
deabruaren morroi askotxo
galtzeko zori larrian.
Nik berri txarrak entzuten ditut
bizi naizen baserrian:
Aita Santua il nai zutela
Erroman udaberrian.
|
5
Geienok aintzat ez degu artzen
iturri garbiko ura,
askoz naiago degu murgildu
zikindutako putzura;
zingira zikin nazkagarrian
nabarmentzen da berdura,
ta bertan sartu nai genduke guk
Jesusen soiñeko ura.
|
6
Ezkerrekoak biurriegi,
eskubikoak zuzen ez,
besterenaren artzaille beti
“gu gera onak” esanez;
mundu ontara narrats antzean
noski azaldu giñanez,
askok naiago degu ibili
ur zikiñetik edanez.
|
El Diario Vasco, 1981-V-27
|
