|
Segundo Kalonje
Bertso berriak
1
Irazustari egin bear diot kaso,
aizkoran eta segan len ona zan oso:
oraingoan ez dezu pama gutxi jaso,
poz ematen didazu, Mikel Polipaso.
|
2
Polipasok badauzka iru bat armazoi:
gorputza astuna ta indar eta sasoi;
baiña alkarrentzako beti zerbait pozoi,
apustuan ez al da al dana arrazoi?
|
3
Goi-maillakoa ziñan aizkoran da segan,
usoa dan bezela indartsua egan.
Balio ote dezun asi diran prueban,
ikasiko dute, bai, nolakoa zeran.
|
4
Negua pasa dezu naiko baba jaten,
oraindik etzizuten tankerik ematen.
Zu asi zeranean autsi edo eten,
txikiak zer egiñik ezpaitauka aurten.
|
5
Erakutsi dezute lenengo ekiña,
bitatik batek beti izaten du miña.
Txikia beti txiki izan arren piña,
aundi onaren aurka arentzat pitiña.
|
6
Errez irabazi du lenengo jokoa,
edade ortarako ez al da naikoa?
Urrengora ere txit korajez dijoa,
oraindik ez daukagu Polipaso joa.
|
El Diario Vasco, 1982-V-27
|
