|
Segundo Kalonje
Estropadak dirala ta
1
Estropadak baditugu sarri an da emen,
jendeari erakusten dute ainbat kemen. (2)
Zaletasuna ugari ta oso nabarmen,
Donostia ere ona omen zan, baiña... len.
|
2
Pasaian ikusi ditut lengoan dotore,
irteten ziran lekutik nengon parez pare.
Amaitu zutenean, zalantzarik gabe,
Zumaia zala zioten danen jaun da jabe.
|
3
Jendeak gogoan dauka Orioren pama,
berez orkoa dan batek Zumaia darama.
Astinduazten die itxasoko mama,
ikurriñez osaturik jarri nai du zama.
|
4
Gabaz bezelatsu berdin goiz ta arratsalde,
nere griña nabari det Zumaiaren alde.
Zer asmorekin dabiltzan edozeiñi galde,
noiznai “or konpon” esanda ingurutik alde.
|
5
Kirol-mota orrek ni arriturik nauka,
atzeraka juten dira aurrera arraunka.
Klaudio Etxeberriak dabilkian mauka!
Zumaiakoa baiña talde ona dauka.
|
6
Jesukristoren garaitik ia ogei mende,
bekaizkeriak utzita obe, bai, bageunde.
Etsia artzen ari da makiña bat jende,
aurten bearko degula zumaiarren mende.
|
El Diario Vasco, 1985-VIII-15
|
