 |
|
|
|
|
Segundo Kalonje
Ogi egillea
1
Munduan igarota orrenbeste urte,
oraindik ere zaude osasunez puerte;
Jaunari erregutu bizi zeran arte,
il da gero zerua ez genduke kalte.
|
2
Justo izena du ta ibiltzen da justu,
parrandan diru asko kastatuko eztu.
Gaztetan ikasia orri nola aztu?
Lagun urkoarekin portatzen da prestu.
|
3
Opizioz izan da ori panadero:
neguan leku ona: otzik gabe bero.
Okerra ez da izan zenbait bezin ero,
zuzen jarraituko du noski onuzkero.
|
4
Jaunak laguntzen dio txintxua danari,
ta garaiz lagatzea obea lanari;
bai nik ere baneuka nai ainbat janari,
mundu ontan badago amaika komeri.
|
5
Ipiñiko dizkizut bost edo sei egi,
etzaituzte epaitzen alper edo nagi;
gorputzarentzat lana egin bai geiegi,
zuk eginda jan degu makiña bat ogi.
|
6
Langilleak morroi ta alperrak nagusi
iñoiz an edo emen ez al da ikusi?
Justo, zu beintzat orain kejatzen ez asi,
badakit mixerian etzerala bizi.
|
7
Etzaituzte ikusten nagi eta baldar,
iñork ez dizu joko neri aiña adar.
Ez natzaizu asiko atzetikan marmar,
edozertan bazera ni alako amar.
|
8
Ederki bizi zera erretiratuta,
nola ondo liteken zuk begiratuta;
ni beste batzuekin nago arrituta,
alkolak bere mende artutzen ditu ta.
|
9
Beti ikusten zaitut lasai pazientziz,
beste askotxorekin oso alderantziz;
lujorikan gabea janean ta jantziz,
zeruan ere daude olakuen antsiz.
|
|
| |
 |
 |
|
|
|
 |
