|
Gregorio Mujika. Pernando Amezketarra
9
NON DUZU SEMEA?
Beste batean, semearekin zuen zer asmatua.
Beretzako, bazkaria erretore-etxean bazuen. Semearentzat ez ordea. Non bilatu semearentzat bazkaria?
Erretore-etxeko ateetara eraman zuen, eta, "nik deitu arte hago hemen, esanaz, bera jan-gelara igo zen.
Bazkaritan hastekotan Pernando besteen gain oihuka hasi zen:
 Aitaren... eta Espiritu Santuaren izenean.
Erretoreak esaten dio orduan:
Pernando, gaizki ari zera: egizu berriro Aitaren.
Eta Pernandok berriz ere:
Aitaren... eta Espiritu Santuaren izenean.
Baina, Pernando, non duzu semea?
A! Behean dago. Berehala etorriko da.
Eta esan eta egin, ekarri eta berekin bazkaritan jarri zuen.
|
