|
Gregorio Mujika. Pernando Amezketarra
33
TONTO AZKARRA
Pernando eta bere emaztea ari ziren behin mendian, bere gurdia garoz betetzen.
Hala ari zirela, zauritutako erbi bat etorri zitzaien ingurura; hartu eta garo tartean ezkutatu zuten. Handik pixka batera, erbi-zakurrak etorri ziren usaian, eta gurdi ingurutik ezin kendu zituzten. Ehiztariak etorri ziren urrena.
 Erbirik ikusi al duzue? - galdetu zien senar-emazteei ehiztarietako batek. Eta Pernandok
erantzun zion:
Orain hamaikak inguru.
Ehiztariak berriro:
Erbirik ikusi duzuen?
Pernandok:
Oraindik behintzat gehienez ere hamaika eta erdiak.
Eta "tontoa duk gizon hau" esanda, urrutiratu ziren ehiztariak.
Hurrengo larunbatean Tolosan ikusi zuten Pernando ehiztariak. Eta zirikatzeagatik galdetu zioten:
Hi, tonto, zer ordu duk?
Eta Pernandok erantzun zien:
Ederra zegoen. Andreak eta biok jan genuen.
Ehiztariak harrituta gelditu ziren.
Arranoa! Ederrak eman zizkiguk! Ez zegok hori tonto txarra!...
|
