|
Gregorio Mujika. Pernando Amezketarra
54
ESKRIBAURIK EZ ZERUAN
Bazihoan behin Amezketako Pernando, zeukan soineko onena jantzirik.
Bidean aurkitu zuen eskribaua, eta honek, hala apaindua ikusirik, galdetu zion:
 Baina Pernando zer zabiltza horren apain?
Hara jauna -erantzun zion-. Inondik ezin bizi-modurik atera nuen, eta ikazkintzara joatea gogoratu zait.
Ikazkintzara zoaz? Ez da bada ikazkintza txit lanbide ona. Sekulan ez dut aditu zeruan ikazkinik sartu denik.
Bai jauna, bai; behin sartu omen zen. Eta ikazkina zeruan ikustea gauza harrigarria zelako eskritura egitea erabaki omen zuten. Horretarako eskribaua behar ordea, eta bila eta bila ibili arren, ez omen zuten aurkitu. Zerua zeru denez geroztik, ez omen da han eskribaurik sartu!
|
