|
1 /
Berri alaiak iritxi zaizkit,
lagun Martin, zuregandik,
luzaro gabe oien ordaņa
izango dezu emendik.
Kantatutzea gustatzen zaizu,
ori banekien lendik,
baņa bertsorik ez det atera
zure kartaren barrendik.
2 /
Bertso batzuek antolatzeko
negon promesa eginda,
nere biotza gaur poztu dedin
zuri zerbait itzeginda.
Dakien batek kantatutzea
izugarri atsegin da,
Martin, ixilik zertan zaude zu
askoz geiago jakinda?
3 /
Makiņa batek artuko luke
daukazun jakinduria,
eskola ona zeurekin eta
gaņera bertsolaria.
Baldin jarraitzen baldin badezu
seguru dezu ogia,
baņa ez pentsa aundia danik
ematen duten saria.
|
4 /
Bertsolarien lantegi ori
etzait geiegi gustatu,
egun ederrak pasagatikan
erromeri ta ostatu.
Gaur egunean begiak argi,
ezin leiteke jostatu,
askotan amar irabazi ta
gero amaika gastatu.
5 /
Bein lagun batek esan zidana
ezin zait beiņere aztu:
bertsolariak izaten dula
irabazi ainbat gastu.
Gure aurreko kantari zarrak
antzokietan jolastu,
zintzo askoak baziran baņa
etzan iņor aberastu.
6 /
Martin, ez pentsa bertsoetatik
ogia irabaztia,
askoz obe da lantegi ori
alde batera uztia.
Nik jarri ditut gaur ale auek,
oso ederrak eztia;
auen ordaņak biali neri
Burgos'tikan Donostia.
|
