|
1 /
Milla beatzireun berrogei eta
amabostgarren urtian,
bertso batzuek jartzera noa
nola komeni baitian.
Beste lekutan ere bai baņa
Gipuzkoa'ko partian
zer kontatua badago aurten
baserritarren artian.
2 /
Pikardi ori ikusi eta
nor ez liteke kupitu?
Oker aundia izan da eta
au nola erremeditu?
Labore franko bazegon baņa
legorrak ondatu ditu,
baserritarrak aurten ez dira
oso ederki gelditu.
3 /
Aurtengo ontan izan da emen
legorte izugarria,
aztuta gaude gure lurrean
noiz egin zuan euria.
Labore dana gutxiegi ta
ez da bilduko erdia,
baserritarren bizimodua
ez al da negargarria?
|
4 /
Aziendakin ere ez dute
oso alderdi ederra:
almazenean dana garesti,
soroan urri belarra.
Goseak ilko ez bazaizkate
utsean eman bearra,
esaten dute ala ere: ĢOndo
bizi dek baserritarra!ģ
5 /
Mundu onetan ez dago errez
nai bezin ondo bizitzen,
beti geiegi kostatzen baita
dirua irabazitzen.
Errenta ezin osaturikan
urte guztian sufritzen,
baserritarrarengatik ez da
ala ere iņor kupitzen.
6 /
Legorte onek jorratu ditu
nola goiak eta biak,
ez dira leku asko izango
onek ondatu gabiak.
Ta bere esku nola baitaukan
zeru-lurraren Jabiak,
komeni bada eman ditzala
au baņa urte obiak.
|
