|
1 /
Illoba, gaur Ilbeltzak
ditu emeretzi,
biar ogei ditula
nai du erakutsi.
San Sebastian ezin
guk aztuta utzi,
donostiarrak beintzat
ezin dute etsi,
oitura zar onari
nai diote eutsi.
2 /
Nere besuetako
illoba maitia,
biotza daukat pozez
gaņezka betia;
ta pentsatu det zuri
itz bi esatia,
gustatzen zait ejenplo
onak ematia,
al badezu betetzen
saiatu zaitia.
3 /
Arrazoi bat emango
nizuke zuzena,
egin nai bazenduke
zuk nere esana:
ez dezagun ukatu
nork bere izena,
euskeraz mintza zaitez
al dezun maizena,
gure lur ontarako
au da errezena.
|
4 /
Ama Euskera dago
guztiori oska,
bere seme-alabak
nun geran galdezka.
Buru-austea pranko
tristeak badauzka,
galduko ote geran
makiņa bat kezka,
esanaz: Denak nere
etxean baneuzka!
5 /
Amatxoren malkoak
gaur nola datozen
bere begietatik
guregana zuzen,
maite badegu danok
poztutzera goazen.
Mundu onetan bada
makiņa bat izen,
ederrena ama dala
oroitu gaitezen.
6 /
Munduan egiten, da
amaika izkera,
nik ez det au utziko
naiz jarri aukera.
Zer egin bear degun
noa esatera:
baldin seme-alaba
zintzoak bagera,
danok maite beagu
lenengo euskera.
|
