 |
|
|
|
PIO XII IL ZANEAN
|
|
1 /
Aita Santua ere il zaigu
Pio amabigarrena,
gure animen salbatzallea,
Jaungoikoaren urrena.
Jesus maitea, eman zaiozu
ate-zaiari baimena
zabal dezala, Artzai on ori
sartu dedien barrena,
beti-betiko or izan dezan
tokirikan ederrena.
2 /
Milla beatzireun urte pasa ta
berrogei ta emezortzian,
goizeko lauak inguru ortan,
Urriaren beatzian,
Castelgandolfo'n, jauregi ortan,
guztizko pazientzian,
Pio amabigarrena il da
Jaungoikoaren grazian;
opa diogu gerta dedilla
zeruan erdi-erdian.
3 /
Larogei ta bi paseak zitun,
ori da urte-mordua;
guztion Aitak otsegin dio
bete danean ordua.
Vaticano'ko Artzai leialak
aldegin digu zerua;
al dan maizena erreza itzigun
salbea eta kredua,
ia guk ere egiten degun
aruntz joateko modua.
|
|
|
|
|
|
 |
