|
1 /
Mari Pili ta Gaston
illoba maiteak,
ara udaberriak
zabaldu ateak.
Zuen biotzak daude
gaur pozez beteak,
ni ere poztutzen nau
alai egoteak.
2 /
Illobak, iritxi da
udara berria,
ta guk egin diogu
ongi etorria.
Gaurko egun au beintzat
gogoangarria,
onetxek ase baitu
zuen egarria.
3 /
Jaungoikoak jarria
nola dan ezkontza,
beti izan dezute
orren esperantza.
Naiz buruan ibili
kezka ta zalantza,
ara egi biurtu
gaur zuen ametsa.
|
4 /
Pekatuak aitortu,
biotzak bigundu,
anima garbitu ta
kezka denak kendu,
Sakramentu santua
artuta ezkondu,
orain biok alkarri
bizitzen lagundu.
5 /
Apaiz jaunak eleizan
gaur egin zaituzte
ezkongai ziņatenak
senar da emazte.
Landaren bat ekartzen
badezute laiste,
euskeraz erakusten
saiatu zaitezte.
6 /
Danon jaun da jabeak
emanik grazia,
illobak, ara egin
zuen kutizia.
Opa dizuet bear
dezuten guzia,
osasuna ta urte
askoko bizia.
|
