|
1 /
Berri atsegin pozgarri batek
jarri nau alaiturikan,
argatik jartzen ditut bertsoak
ezkontza gai arturikan.
Nere illoba, nunbait zeunden zu
bakarrik asperturikan,
zure biotza aldatu nairik
biotz bi alkarturikan.
2 /
Nere besoetako illoba,
bazendun ezkondu-naia,
ara iritxi egun aundi au,
ara iritxi garaia.
Ez naiz arritzen zu egotea
biotzez orren alaia,
gaurtik andretzat artu baidezu
len zendun emaztegaia.
3 /
Lore mardulak ikusirikan
gure euskal baratzetan,
zu bizi ziņan oietatik bat
artzeko esperantzetan.
Orain eskerrak eman Jaunari
beti zure otoitzetan,
usai gozoa banatu dedin
gaurtik zuen biotzetan.
|
4 /
Artu dezuten bide berriak
aldapa latzak baditu,
baņa, illoba biotzekoak,
beldurrik gabe jarraitu.
Ikaratuta bide erdian
etzaiteztela gelditu,
gallurreraņo joaten diranak
Jainkoak saritzen ditu.
5 /
Mari Tere ta Sebas illobak,
maitasunaren indarrak
uxatzen ditu familiako
ezbear da gauza txarrak.
Berriro betoz gaur bezelako
une gozo ta ederrak,
San Inaziok merezi du ta
eman zaizkagun eskerrak.
6 /
Ara illobak, nere agurra
bertso auen aizkenean,
badakizute nun bizi naizen
beartzen zeratenean.
Opa dizuet biok olaxe
luzaro zorionean,
pake gozoan bizi zaitezte
alkarren maitasunean.
|
