|
1 /
Urreratu zaizkigu
Eguberri-jaiak,
zoriona dakarten
ain egun alaiak.
Belen aldera datoz
arkume ta artzaiak,
poztu gaitezen, poztu,
euskaldun anaiak.
2 /
Jesus agertzen zaigu
beti biotz bigun,
zeņen une gozoak
eskeintzen dizkigun!
Jai zoragarri auek,
euskaldun da erdeldun,
pake zoriontsuan
igaro ditzagun.
|
3 /
Gu nola egun argiz
berdin arratsetan,
pakearekin gabiltz
beti ametsetan.
Auxe eskatzen det nik
nere otoitzetan,
Jaunak banatu dezan
danon biotzetan.
4 /
Munduan gaudelako
pakearen gose,
Belen'go estalpera
guk begiak luze.
Orko janari gozoz
nai genduke ase,
arren, erruki, Jesus,
Maria ta Jose.
Aiete, 1975, Abendua.
|
