|
1 /
Danok dakigu urbil degula
urte onen amaiera,
berriro ere Gabonetako
jai alai auetan gera.
Anai-arrebok, oraintxen degu
alkar agurtzeko era,
argatik asia naiz idazten
Pasai San Pedro aldera.
2 /
Anai maitea, orko berriak
jaso nitun zuregandik,
abesten ere ona zera zu,
ori banekian lendik.
Lau bertso eder atera ziran
eskutitzaren barrendik,
auek zer poza eman zidaten
goguan daukat oraindik.
|
3 /
Zaleturikan egoten naiz ni
bertso berriak artzeko,
asti pixka bat nai nuke orain
auen ordaņak jartzeko,
paper batian idatzirikan
zuregana bialtzeko,
gaztain erriak janez suaren
onduan irakurtzeko.
4 /
Oriamendi gain ontatikan
opa dizute anaiak,
danok igaro ditzazutela
egun atsegin alaiak.
Pake gozuak iraun dezala
uxaturikan etsaiak,
osasun zoriontsuarekin
ospatu Eguarri-jaiak.
|
