|
Kaietano Sanchez Irure. Azken beltza
II
Lehengoak eta Juan
Juan.- (Atzeko atetik sartuaz) Nagusia hemen al dago?
Joxepa.- Bai hortxe daukazu. Bazatoz zu orain ere, lana gogotik eginda. Zuretzat izango da, zuretzat, gure Karmentxo. (Bizkarrean joaz. Gero joaten da Joxepa atzeko atetik.)
Juan.- Eskerrik asko.
Martzelo.- Zer dugu?
Juan.- Berri txarra
Martzelo.- Txarra?
Juan.- Bai. Azeriek errubian* sarrera ederren bat eginak izan behar dute bart arratsean.
Martzelo.- Zer bada?
Juan.- Oilo-taldetik hiru gutxiago badira.
Martzelo.- Deabrupola! Ez ote dira gero ijitoak, oiloz jabetu direnak?
Juan.- Ez dut uste; halakorik izan bazen, gure zakur Pinto ernaiak salatuko zituen.
Martzelo.- Mila deabru! Beraz zuk, azeriak direla deritzozu, litxarkeria hori egin dutenak?
Juan.- Nire iritzirako bai.
Martzelo.- Beti zerbait behar dugu, eta horra...
Juan.- Bat bezala ere, hiru.
* Errubi: Itxura batean “errun” eta “hobi” edo “habi(a)” hitzez osaturiko hitz elkartua; oilategia
|
