|
Kaietano Sanchez Irure. Bertsoak
1.
Lau orduko bidean
jeisten da etxetik,
dituen seme danak
ondotik arturik;
naiz elurrez mendiak
egon estalirik,
igande ta jaietan
ez du uzten mezik.
|
2.
Euskalduna berez da
biotz onekoa,
eta bestetik, berriz,
oso fedetsua;
orrengatik egiten
maiz du errezua,
gogoan daukalako
beti Jaungoikoa.
|
3.
Euskaldun onak daki
izkuntz au bakarrik,
eta ez du maitatzen
bat ere besterik;
galdetutzen bazaio
ote dan oberik,
ezetz, esango dio
biotzan erditik.
|
4.
Gu ere ala izan
bagiñan guztiak,
ez ziran orla egongo
gaur Euskalerriak;
erdaldun biurturik
gaude-ta erdiak,
oitura zarrak laga
ta arturik berriak.
|
Euskalzale, 1899, III, 363-364. or.
|
