|
Kaietano Sanchez Irure. Bertsoak
1.
Lenago alai bizi giñanak
arkitzen gera gaur eri,
indar guziyak alde egin da
iya gerala erori;
erdi negarrez begiratuaz
bada batak bestiari,
gauzik onenak bestek artuta
gure Euskalerriyari.
|
2.
Euskalerriko libertade ta
legiak eta euskera,
aspalditxotik zorrotz dabiltza
sartu nayian lurpera;
eziñ ikusi gaituzten asko
etorririkan onera,
berak balira jabe bezela
besteri agindutzera.
|
3.
Alper-alperrik saiatzen dira
ez da galduko euskerik,
Euskalerriyan mintzatuko da
askotxok nai ezagatik;
aitorren seme euskal jatorrak
gaudez ta konturaturik,
lenago lotan bezela oraiñ
arrunt oso ernaiturik.
|
4.
Ordua zan ta alkartu gera
euskaldun onak alare,
ezaguturik nai dizutela
egiñ gure lurren jabe;
gaurtik aurrera leku txarrera
O! etorriko dirade,
zeren arpegi emango degun
bate bildurrikan gabe.
|
|
