|
Kaietano Sanchez Irure. Bertsoak
1.
Ama Euskaren seme
biyotz onekuak,
Euskaraz mintzatzera
Jaunak bialduak,
arboltxo maite baten
osto tartekuak,
iñon zorrik gabiak
oraindañokuak.
|
2.
Gure Ama Euskara
dago biarrian,
aspalditxo gaixua
txit planta txarrian,
nola bat egoten dan
laguntza nayian,
semetxuari deika
seask’ barrenian.
|
3.
Gure Ama Euskara
txit maite-maitia,
neroni kupitzen naiz
orla ikustia,
aspalditxo or zaude
txokuan lajia,
ondo merezi dezu
danok laguntzia.
|
4.
Poztu zaitez, Euskara,
gaurtikan aurrera
danok bagatoz eta
zuri laguntzera,
baldiñ oraiñ artian,
bai, triste bagera,
len bezela badakit
zu jarriko zera.
|
5.
Bakoitzak egiñ zagun
oraiñ al deguna,
gure biyotza dala
danentzat txit ona;
gure Euskarak nairik
ondoren laguna,
emen ezautuko da
zeiñ dan euskalduna.
|
Euskal Erria, 1896, XXXV, 558. or.
|
