|
Kaietano Sanchez Irure. Bertsoak
1.
Artu zaidazu, izan dezazun
oroitz eder bat maitia,
koroi apañ au jantzi zaidazu
arri fiñekin betia;
zu zeralako mundu onetan
nai dizun onen jabia,
nere gidari, osasuna ta
pen danen aztutzallia.
|
2.
Zu gabetandik ez dizut onik,
Maite, oraindañokuan,
lorikan eziñ egin det ere,
beti zaduzkat goguan;
eta nai nuke, esaten dizut,
artu baitare zeruan,
mundu onetan bizitutzia
biyok alkarren onduan.
|
3.
Larritasun au kendu zaidazu
arkitzen nazu-ta eri,
biyotz neria, ondo dakizu
nai dizutala nik zuri;
laister ill biar, auxen da pena!
beste gaitzik gabe ori,
kupitu zaitez, bada, kupitu
sufriezi gabe neri.
|
4.
Ez det egunik eta gabikan
iya urte bi abetan,
nere gisara iñoiz asten naiz
bakardadian izketan;
eta gañera ikusten zaitut
askotan ’e ametsetan,
buru guztiya nastuturikan,
beti bizi naiz kezketan.
|
|
