|
Kaietano Sanchez Irure. Bertsoak
1.
Zeren gazterik gelditu zeran,
doakabea, bakarrik,
aita ta ama bere ondora
Jaungoikoak eramanik;
triste gajoa ixildu zaitez
ez zazula egiņ negarrik,
amaren ordez emen naukazu
zutzaz arrunt kupiturik.
|
2.
Umezurtz kutun eder-ederra
izar berdiņik gabia,
aingeru laztan zoragarriya
amaren poztutzallia:
atoz besora, tori muxu bat,
usai gozoko loria,
eziņ egon naiz, jango zinduzket,
maite, ixildu zaitia!
|
3.
Ordu illuna eta samiņa
zuretzat gaur izan arren,
alaitu zaitez, ez egiņ negar
ez egon orla penatzen;
aita ta ama il ziran baņon...
ez zaudez bakarrik emen,
auxen da lana, begira nazu,
ez nazu ondo ezautzen!
|
4.
Esker aundiyak, beti bezela,
emanik gure Jaunari,
maite biyotza, biziko gera
gaurtik aurrera kantari;
lo egiņ zazu, zoragarriya,
sufriazi gabe neri,
bide zuzenez etorri eta
jabetu zaizun amari.
|
5.
Au zoramena sortu zaitana,
Jesus, nere Jaungoikoa!
au da aurpegi zuri-gorriya
eta ille urrezkua;
abetxek dira begi alaiak
auxen da au eskutxua!,
norek ote du mundu onetan
aur bat au bezelakua?
|
6.
Zuretzat dira nere asnasak,
zuretzat nere kolkua,
zuretzat gauza guziyak bada
zeruko aingerutxua;
beti zaitutzen egongo nazu,
maitetxo biyotzekua,
ni naizelako mundu onetan
zure Ama ordezkua.
|
|
