|
Kaietano Sanchez Irure. Bertsoak
1.
Parerikan ez duben
aingeru argiya,
munduko tristiaren
iñoiz pozgarriya;
zure kontuban nago
aspaldi jarriya,
beti maiteko zaitut,
aur zoragarriya!
|
2.
Nola udaberriyan
pozten dan txoriya,
arbol osto berdetan
egiñaz kabiya;
ni ere ala nago
aspaldi jarriya,
beti maiteko zaitut,
aur zoragarriya!
|
3.
Gabaz azaltzen baita
iñoiz illargiya,
egunaz ere berriz
ala eguzkiya;
askoz argiyago da
zure arpegiya,
beti maiteko zaitut,
aur zoragarriya!
|
4.
Zure zalantzan nago
gau t’egun jarriya,
bi jolas egiñ nairik,
nere pozgarriya;
irten zaite leiora,
munduko argiya,
beti maiteko zaitut,
aur zoragarriya!
|
Euskal Erria, 1896, XXXIV, 410
|
