|
Kaietano Sanchez Irure. Bertsoak
1.
Igande ta jaietan
dantzara or ua,
utzirikan bakarrik
amatxo gaxua;
urtez ondo jantzia
gañera mintsua,
errena batetikan
bestetik itsua.
|
2.
Eta gabian beti
berandu etxera,
egiñik bitartian
milla gorabera;
neska gaztiarentzat
ez den ibillera,
obe den egun argiz
etorri aurrera.
|
3.
Ama zaitutzen egon
obe den etxian,
damutu gabe gero
berandu danian;
ez diñ ondo ematen
gaztiak kalian,
illunpetan “txu-txu-txu”
gaberdi aldian.
|
4.
Nik ezautzen dizkiñat,
bai, neska gaztiak
esateko oraindik
diranak umiak;
zarrak diruditela,
negarrez tristiak,
eta bada zer diyon
atzetik jendiak.
|
5.
Zarren esanak beti
arturik goguan,
biziko aiz milla aldiz
obeto munduan;
lagun txarrak utzi ta
amaren onduan,
Jaungoikuben bildurraz
abillen lekuan.
|
6.
Ni ’re gazte izana
nan bada, Kataliñ,
eta gaur ’e bizi nan
zarren esanakin;
ez zidaten alabak
ezer txarrik egiñ,
pakian orain arte
beti alkarrekin.
|
Baserritarra, 1911-02-11, 166. zk.
|
