|
Kaietano Sanchez Irure. Bertsoak
1.
Zeñen ederki, uxuben gisa,
egaan gora eta beera,
Gaztelutikan Uliyara ta
berak nai duben aldera;
bide luzian mantso ta azkar
noiznai jaitsirik lurrera,
ezkutatubaz urrutiyan da
azaldurikan ostera.
|
2.
Gizona asko argiratu da
urte gutxi barrunbian,
zeñek txiñistu ikusi gabe
orla ibiltzen airian;
odoi tartian nai dubenian
andik lurrera kolpian
dirudiyela erori eta
il biar dubela bian.
|
3.
Beste gauz asko azaldu biar
dira mundura oraindik,
ikusgarriyak, gizon azkarrai,
bada, burura jaiorik;
aurrera ere saiatu eta
gau t’egun loa galdurik,
orain bezela egongo dira
lan aiekin arriturik.
|
4.
Gure aitonak baldin lurpetik
gaur azalduko balira,
eta ikusi gizonak orla
egaan jira eta bira;
laister esango luteke danak
jarri orduko begira,
ziñaturikan dudarik gabe:
“oiek diabruak dira.”
|
Baserritarra, 1910-10-08, 157. zk.
|
