|
Kaietano Sanchez Irure. Bertsoak
1.
Ogeita bi urteko
neska txit iztuna,
sasoi gogorrekua
indar asko duna;
baserriko alaba
berez euskalduna,
emen ingurukua
eta ezaguna,
au da mutill geienak
austen dizkitzuna.
|
2.
Tokan eta pelotan,
gañera boletan
palankan ta laisterka,
buru da danetan;
ez dezu besterikan
pixu jasoketan,
nola aserratzian
bada erriyetan,
eta gutxik ematen
diyo bertsubetan.
|
3.
Neska barrabasa ta
oso biyurriya,
burrukarako ere
ez da bildurtiya;
ez da, ez, denbora asko
dala ibilliya,
nekazari batekin
Joxepa Mariya,
mutur joka asita
bai ill zuben iya.
|
4.
Gaur edo bigar bada
ezkontzen danian,
eta taranta txarran
jartzen dezunian;
ez nuke nai nik egon
ez aldamenian,
zeren laister nitzaken
leiotik kalian,
berak agindu naiko
dulako etxian.
|
Baserritarra, 1910-06-18, 149. zk.
|
