|
Kaietano Sanchez Irure. Bertsoak
1.
Mari Iñaxi Mastipekua
josten ibiltzen dezuna,
gaztetandikan oraiñ artian
emen dama ezaguna;
sasoi batian oso ederra
berdiñikan ez zuena,
neska zartuta bizi biarra
onetxek gaur dauka pena.
|
2.
Neska zartuta penetan dago
negar ta negar jarririk,
edozeiñ gazte bezin apaña
jazten dezula oraindik;
nobiyo billa Mari Iñaxi
saiatutzen da gogotik,
kalerik kale beti badabil
norbait engañatu nairik.
|
3.
Lagun guztiyak ezkondu zaizka
eta bera oraindik ez,
gogoratzian beti asten da
Mari Iñaxi negarrez;
gazte zanian naiko aukera,
neska zartuta bat ere ez;
denbora joanda alperrik dabil
ikusitzen dezutenez.
|
4.
Mari Iñaxik lengo batian
ala bere lagunari:
nere meriyoz, bada, Joxepa,
penatu zaidan ederki;
naiko aukera baniñan eta
itz eman ez nik iñori,
oraiñ neska zar emen nabillen
jende danen parragarri.
|
5.
Lenbizikua niñan argiña,
bigarrena errerua,
irugarrena zillargillia,
laugarrena musikua,
ta bosgarrena arrantzalia,
seigarrena barberua;
gazte denboran bazan atzetik
neri norek segitua.
|
6.
Nola igandez ala jayian
entzuten ditu meza bi,
oraindik ere gustatzen zaio
begiratzia berari;
andik plazara berriz joango da,
naiz an ezer ez erosi,
erakustera zeñen apaña
dabillen jende danari.
|
7.
Non da musika ara dijua
beti dabil erromeriz,
eta gañeko festetan ere
ez da esanikan, berriz;
naiz urtetxuak izanagatik
igual jazten dezu gorriz,
lenagotikan ez ezkondua
damutu zaio milla aldiz.
|
8.
Bere buruaz ernegaturik
ikusten dizut galdua,
saiatu arren eziñ billatu
duelarik nobiyua;
alper-alperrik dabil Iñaxi:
norek naiko du gajua!,
orrentxen pena mundu onetan
neska zar, bai, gelditua.
|
9.
Triste gajuak illia dauka
elurra beziñ zuriya,
begiyak berriz aski gorriyak
oso ximur arpegiya;
ortzikan iñon ez du ageri
beste nonbait aragiya,
apostu, bada, iru arrua
ez dala oraiñ guztiya.
|
10
Eziñ luzaro bizi liteke
pena dauka ta gaxuak,
negarrez iñoiz botatzen ditu
ginga añako malkuak;
beti goguan bada daukaizki
len izantako majuak,
neska zartu ta azkenerako
orra orren ixtilluak.
|
11
Berriz milagroz gaztetzen bada
eta badu osasunik,
ez dizut uste leno bezela
luzara egongo danik;
arrantzalia, naiz musikua
joaten bazaio ondotik,
baietz agudo esango diyo
lenguak gogoraturik.
|
12
Dama gaztiak orra kontuan
bada aurretikan jarri,
badakizute urrengorako
danak neska zarren berri;
denbora joanda ez du baliyo
ibiltzia parragarri,
gauza guztiyak bere sasoian
beti dirade komeni.
|
Bertso-papera. San Sebastian. Imp. De Pozo; Fuenterrabia, 14
|
