1.
Triste, negarrez, beera begira,
oroiturik il ziranak,
Kanposantura joan biar degu
oraindik bizi geranak;
Lege Santu au erakutsirik
utzi zigulako amak,
eta fedetsu biyotz biguñak
emen izanikan danak,
kupiturikan gure otoitzak
gaur an egiten diranak,
entzungo ditu beti bezela,
bada, zerutikan Jaunak.
|
2.
Guraso umill alkar maitiak
ta aurtxo doakabiak,
aingeru polit amen pozgarri
penak alaitutzalliak;
mundu onetan diran gauz onen
jaiotzetikan jabiak,
ill ziran eta Kanposantuan
lurpian daude gordiak!
Gaur da eguna ara joateko
zar danak eta gaztiak,
errezatzera Jaungoikoari,
zeruratzeko tristiak!
|
