|
Martzelino Soroa: Ezer ez, eta festa – Toribio Alzagaren bertsioa 1922
Xoluerdi: (Ate aldera joanaz) Azkenean ere joan haiz, berritsu, hitz-jario. (Batixtari) Ama moko bada, alaba moko t'erdi baduk gutxienaz. Oso amorrarazi nauen arte ez duk gelditu. Ama-alaba horiek arrainak izan balira, amuarrainak izango zituan.
Batixta: Herorrek ere gaizki egin duk. Emakume bati esango diok bada: zapaten muturrak ez zikintzeagatik...
Xoluerdi: Besterenak ditiat-eta.
Batixta: Izan ere. Ez ninduan konturatzen...
Xoluerdi: Banoak, banoak, lan pixka bat egiten ote dudan. (Joaten da atzetik)
Batixta: Hoa, bai, hoa. Hik egiten dituan oinetakoen zain baleude Donostian, ez liketek mauka txarra izango alpraketa-egileek. Horren oinetakoak eta nire potoak, guziak poto.
|
