|
Marzelino Soroa. Gabon
Lenguak eta Agapito, gero Andre Joxepa
Agapito: ¿Oi ¡¡Joxe Miel!! Zubek al ziñaten?
Joxe: Ez; gu ez gaituk gu bestiak gaituk.
Agapito: ¡Au arrayia! ¿Kantatzea al zuazte?
Joxe: Bai.
Agapito: Ni’re jungo nak partian.
Guztiyak: Bien, bien.
Agapito: ¿Nun dezute farola?
Erramun: Ona.
Agapito: ¡Oi! ¡¡Itzalduba!!
Erramun: Eztiau bildu oraindik kandeilla eosteko ta...
Agapito: Kraxkatuba ziok.
Erramun: Bai, Atanaxiok bulkatu niok ta...
Atanaxio: Gezurra. Bixigu baten ezurrian txirristatu ta erori in dek.
Agapito: Obe likek txirristatu platerian.
Iñaxiyo: Ori, ori.
Agapito: Guazen ba. Kantatu zagun emen.
Atanaxio: ¿Zein bizi da or?
Joxe: Andre Joxepa.
Iñaxiyo: ¿Tronpeta?
Erramun: Ez, lantzeta.
Joxe: Atzo bat. Gure etxera etortzen dek artsaldero txokolatia artzera.
Agapito: Tira ba. Jarri mutillak.
Joxe: “Gure Jesus onaren”. A la una.
(Kantari)
|
Gure Jesus onaren
gabeko etorrera
kantatu biar degu
kristabak bagera.
|
Andre Joxepa: ¡Ixo, ixoo! Ez kantatziatik.
(Diruba emanik.)
Agapito: Eskarrik asko.
Joxe: ¿Ze eman dik?
Agapito: Kuarto bat.
Atanaxio: Bien. Ederki asten gaituk.
Iñaxiyo: ¡Gezurra, gezurra! Txanpona dek.
Agapito: ¡Oi! ¡Kuartua zala uste nikan...
Iñaxiyo: ¡Tranposo arrayia!
Agapito: ¿Zein da boltsero?
Atanaxio: Erramun farolerua.
Erramun: Aizak i, farolerua i izango aiz.
Atanaxio: Mutill, ¿farola ez dek ba eamaten?
Erramun: Bazekiat zeatik esan dekan ori, bai.
Joxe: Guazen Andre Pepenea ardipaten kandeilla eostea eta beste ardipaten kaameluak.
Atanaxio: Ez, gaztañak.
Iñaxiyo: Obe gendikek zigarruak eosi...
Guztiyak: Guazen, guazen.
Joxe: Ez. Oaiñ emen kantatu biar diagu.
Erramun: ¿Nun? ¿Don Makarioen etxian?
Atanaxio: Ez dik orrek ezere ematen.
Agapito: ¡Ona dek bera! Segitzen ba’igu dendako kanekin, puskatuko zizkiuk ezurrak.
Joxe: Sayatu egingo’aituk.
Bestiak: Bai, bai.
Joxe: Corro ba corro. Zortzikua, “Etxeko guztiari”. Ala. Bat, bi, iru.
(Kantari)
|
Etxeko guztiari
gabonak emanez...
|
On Makario: (Beti barrendik) Kanpora ortikan.
(Kantari)
On Makario: ¿Ez al dezute aitzen?
(Kantari)
Agapito:
|
Mundu guztiya dago
Makariokin farrez.
|
Makario: Likixkeri lotsa gabiak.
(Kantari)
Makario: Zuazte emendik tximistak egiten...
(Kantari)
Makario: ¿Ez al dezute aitu? Aguro pixa egin da, oyera.
Iñaxiyo: Txanpon bat...
Makario: Ez.
Atanaxio: Kuartua...
Makario: Ezta arditikan ere.
Guztiyak: Zekena, mekena, inpernuban zaudena.
Makario: Artzen badet kana...
Erramun: Betor gure gana.
Agapito: Emen dek, mutillak, emen dek.
Guztiyak: E, e, e,eee. (Ojuka dijuaz itzuli).
|
